Nijs en Aktiviteiten
13 April 2017

‘Tomke en it wűnderaai!’

Der is in nije poppekastfoarstelling oer Tomke. Yn ‘Tomke en it wûnderaai!’ belibje Tomke en Romke wer in spannend aventoer yn de poppekast.

 

Tomke en it wûnderaai!

It is maitiid yn it túntsje fan Kornelia, Tomke en Romke. Dan komt der in frjemde figuer yn it túntsje. In professor. Hy hat in útfining dien. Gjinien mei der fan witte. Mar as hy him gau ferstopje moat lit hy de útfining yn it túntsje lizze. Romke ûntdekt wat nuvers yn de tún. In aai dat prate kin en ek noch muzyk makket. Fan wa is dat aai? En hoe krijt de professor syn útfining werom?

Poppespiler Eric fan Erics Poppenkast spilet de foarstelling dit foarjier yn ferskate biblioteken yn Fryslân. Mar der is noch wat romte yn syn skema. Wolle jim ‘Tomke en it wûnderaai!’ by jim spylje litte? Nim dan kontakt op en wa wit komt de Tomkepoppekast wol by jim!

Foar mear ynformaasje en reservearringen, nim kontakt op mei Janneke Straatsma fan de BSF.
telefoan: 058 - 284 77 21
e-mail: j.straatsma@bfrl.nl

«
Pagina1 2 3 4 5 6 7 8 9 10 11
Folje de fragelist yn! Nei mear as 20 jier Tomke binne wy hiel benijd nei jim ûnderfingen mei it Frysk. Hat Tomke fan ynfloed west op it brûken fan it Frysk? Jim as âlders kinne ús helpe om dy fraach te beäntwurdzjen. Folje de fragelist yn ...

Fan 6 o/m 9 juny is it wer safier: de Fryske Foarlêswike! Docht jim pjutteboartersplak of bernedeiferbliuw ek mei? In foarlêzer yn de groep en fansels it nije Tomke-temaboekje fergees derby. It tema fan it boekje is dit jier ‘Tomke troch it jier’, oer seizoenen. Mei Tomke en ...

Elk jier wurdt der in jierferslach makke fan de aktiviteiten fan it Tomke-projekt. Sjoch hjir om it jierferslach fan 2016 te downloaden. - Tomke jierferslach 2016 - Frysk - Tomke jaarverslag 2016 - ...

Fan febrewaris ôf is de aktiviteitemap ‘Doch mear mei Tomke’ ek beskikber foar gastâlderopfang. Yn de aktiviteitemap steane in hiel soad suggestjes foar aktiviteiten om mei bern fan 0-4 jier mei it Frysk oan de slach te gean. In ferskaat oan ferhaaltsjes, ferskes en ...
«
Pagina1 2 3 4 5 6 7 8 9 10 11
Jou dy op foar de Tomke nijsbrief en bliuw op ‘e hichte!
Alle moannen in nij Tomke aventoer!

Stjoer in digitale kaart fan Tomke!